)حسن بن احمد بن عبد الغفار — فارس میدان معرفت و عارف كنه علم عربیت اولوب (ابو علی الفارسی) دینكله شهرت آلمش و مسقط رأسی فارسده (فسا) نام شهر اولوب (٩٨٧ م و ٣٧٧ ه) تارخنده بغدادده وفات ایلمشدر.
مومی الیه (عضد الدوله) نزدنده غایت مقبول و محترم ایدی علم نحودن (ایضاح) و علم تصریفدن (تكمله) نام كتابی مشار الیه ایچون تصنیف ایلدی نقل اولنوركه ایضاحی تألیف ایله عضد الدوله+یه تقدیم ایلدكده چندان مظهر قبول اولمیوب مشارالیه (چكدیككز زحمته كوره بیلدیكمزدن فضله بر شی یازمامشسكز بو انجق صبیانه لایقدر) دیمكله ارقه+سندن تكمله+یی تنظیم و تقدیم ایتمش و عضد كوزدن کچیردكده بونده دخی كمال اغلاقندن كنایه اولارق (شیخ غضبه كلوب بر كتاب كتوردی كه نه بز اكلارز نه كندیسی) دیمشدر.
)كتاب الحجه) (تذكره) (ابیات الاعراب) (تعلیقة علی كتاب سیبویه)السائل لحلبیه) (الیغدادیه) (الفصریه) (الشیرازیه) (العسكریه)الكرمانیه) (للمقصور و الممدود) دخی جملۀ تألیفاتندندر