حسن بصری — اشراف تابعین و كبار سلف صالحیندن رهنمای طریقت و نور باصرۀ اهل حقیقت حسن بصری حضرتلریدركه والد عالی كرداری زید بن ثابت الانصاری (رضی الله عنه)ك عبد مملوكی و والدۀ عفتشعاری خیرۀ امهات مؤمنیندن داخل حرمسرای ازدواج جناب پیغمبری (علیه السلام) ام سلمه (رضی الله تعالی عنها) حضرتلرینك مملوكهء پاكیزه سلوكی ایدی. اكثر مشایخ خلوتیه و صوفیە+نك و سائر ارباب طریقك سلسلۀ اذكاری مشار الیه منتهی و آداب سیر و سلوكلری اكا منتمی+در و نامنه منسوب اپیجه كتب معتبره واردر (ام سلمه) حضرتلرینك حسن بصری حضرتلرینی حال صباوتنده لطفاً آغوش پرورشه الدقلری و علی روایة بر دفعه دخی سود ویردكلری مرویدر. مشار الیه
یتمش سكز یاشنده و (٧٢٨ م و ١١٠ ه یاخود ١٢٠ ه) تاریخنده مركبدن دوشمكله متأثراً وفات ایتدی و اهل بصره جنازە+سنه كمال میل و انهماكدن ناشی ایكندی نمازینی ادا ایده+مدی.