حسن رضی الله عنه — ائمۀ اثنی عشرك ایكنجیسی و امام (علی) كرم الله وجهه حضرتلرینك مخدوم مكرملری و لقب عالیلری (مجتبی)در. پرلرینك شهادتندن صكره كندویه روی اتباع كوسترن كوفه+لیلرك تشویقیله بر اردو تدارك ایدرك شاملیلرك اوزرینه كتدیسه ده (انبار) ناحیه+سنده شام عسكری قارشولدیغندن و ذاتاً بو یوزدن بر چوق قان دوكلمكه دخی وجدانی راضی اولمدیغندن منبر خطابته چیقوب حق خلافتی بعض شرائط ایله حضرت معاویه+یه ترك ایلدی. و (٦٦١ م و ٤١ ه) تاریخنده یالكز دائره+سی خلقیله مدینۀ منوره+یه كلوب كوشۀ فراغ و انزوایه چكلدی. مؤخراً زوجه+سی (جعد) هر نصلسه معاویه+نك اوغلی یزید ملعنت مزید جانبندن ایدیلان بعض مواعید كاذبه+یه قاپلدیغندن اول كلبن باغ رسالتی قرق التی یاشنه وارمش اولدیغی حالده یعنی (٦٦٩ م و ٤٩ یاخود٥٠ ه) تاریخنده تسمیم و بی مجال و فقط كندوسی دخی اومدیغنه نائل اوله+میه+رق آزبر مدت ایچنده كمال یأس و ملال ایله مقر اهل ضلله ارتحال ایلدی.
سهل كاری نیست خون آل احمد ریختن
خاك غم بر فرق فرزند محمدریختن
مشار الیه حضرتلری اثنای نصیحتده (علیكم بحفظ السرائر فان الله تعالی مطلع علی الضمائر) بیوررلر ایدی. معتزله كروهی اطرافده تكثره باشلادیغندن (حسن بصری) حضرتلری انلر حقنده اولان مطالعه+لرینی تحریراً حضرت حسندن صورمقله شو زمینده بر جواب یازمشلردر. (بنم رأیم هركیم كه خیر و شری خدادن بیله بزم امتمزدن دكل و هركیم كه معاصی+یی خدایه اسناد قیله عاصی و فاجردر پس قول علی قدرالاستطاعه كندی كسبنده مختار اولوب دین اسلام جبر ایله قدر آره+سنده+در)