حسان ابن مندر — مشاهیر شعرای اصحاب كرامدندر (٦٧٣ م و ٤٥ ه) تاریخده وفات ایلدی كنیه+سی ابو عبدالرحمن یاخود ابوالولید اولوب بعص دفعه ابو الحسام ایله دخی كنیه+لنور اشبو حسان ایله شعرای صحابه+دن بعض ذوات (والشعراء یتبعهم الغاون) آیت كریمه+سنك نزولنی استماعلرنده حضور نبوی+یه كلوب یا رسول الله بزده شعرای امتدنز عجبا حالمز نصل اولور دیملریله حضرت رسالتپناه افندمز (مؤمنلر قلیج و لسانله جهاد ایدرلر سزك اعدای دین حقنده اولان شعركز ایسه انلره اوقدن زیاده مؤثردر) بیوردقدن صكره بالحاصه حسانه خطاباً (اهج المشركین فان جبریل معك) بیورمشلردر.
حسان یوز یكرمی ییل یشایوب عمرینك التمشی جاهلیت و التمشی عصر سعادتده كچدی پدری وجدی و جدینك والدی دخی كذلك یوز یكرمیشر سنه معمر اولدیلركه میان عربده بویله بر صلبدن مدت عمرلری متفق درت كشی اصلا كورلمدی مرویدركه ملاذامت (علیه السلام و التحیت) افندمز حسان ایچون مسجد شریفده بر منبر وضع ایتدیروب حسان اوزرنده
طرف اشرف جناب رسالتدن مفاخره ایدر و افندمز دخی (ان الله یؤید حسان بروح القدس مانافح او فاخر) یعنی حق تعالی حسانی روح القدس ایله تأیید ایدر (مادام كه رسول الله طرفندن منافحه یاخود مفاخره ایلیه) بیوررلر ایدی.