حسام الدین خواجه حسام افندی — طبقۀ علیایه واصل اولیاءاللهدندر دائما مثنویء شریف اوقوتدیغندن مثنوی خوان دیرلر ایدی درسعادتده دنیایه كلوب بر مدت تحصیل علوم و قلمه دوامله اشتغالدن صكره طریقت علیه+یه داخل و دولت یكروزۀ دنیایی بر طرفه براغه+رق بر عبا ایله كوشۀ انزوایه چكیلوب آزه قائل اولدی و مؤخراً علوم ظاهره و باطنه+ده واسطۀ فیض و كمالی اولان خواجه سلیم افندی حضرتلرینك وفاتی اوزرینه مثنویء شریف تدریسنه باشلایوب ابتدا قوجه مصطف پاشاده خواجه اوحد جامعنده و صكره ایوبده كاشغری تكیه+سی جامعنده وفاتی تاریخی اولان (١٨٦٣ م و ١٢٨٠ ه) سنه+سنه قدر اوقوتدی.
مشار الیهك بالخاصه منصف اولدیغی وقار و مهابت و مجلسنده اولان ادب و درسنده كوریلان تأثیر و روحانیت كندوسنك زمرۀ كرام اولیادن اولندیغنه و بلكه قطب جهان معنوی بولندیغنه قطعا جای اشتباه براقمازایدی وفاتنه قریب كوزلرینه عمار طاری اولدیغندن ذات شاهانه مخصوصاً حكیملر كوندردیكی حالده جناب حق بنی شمدی+یه قدر بینا كچندیرمش و شمدیده براز مدت اعما بولندیرمق مراد بیورمشدر بونك اوزرینه بكا علاج كركمز دیو حكیملری صاودیغی مشهوردر. مقربلرندن پك چوق كمسه+لر كرامات واقعه+لرینی سویلمكده+درلر. قبری تكیۀ مزبوره خطیرە+سنده و خواجه+سی مشارالیهك یانندە+در.