الحزن — مشاهیر اخترشناسان عربدندر مومی الیه (١٤٨٥ م و ٨٩٠ ه) تاریخندن صكرە+جه شهرت بولوب نیل مبارکك فیضانندن طولایی وقوعه كلان خسارك دفعی چاره+سنی بولمق اوزره ملك مصر حاكم طرفندن مصره جلب اولندیسه ده بر شیئه موفق اولمدیغندن شعورینی مختل كبی كوستررك فراره مجبور اولدی مع مافیه حكمت طبیعیه+نك ضیا و رؤیت
بحثنه دائر عربی العباره بر اثری واردر و اثر مزبور مؤخراً لاتین لساننه نقل و ترجمه اولنارق (١٥٧٢ م و ٩٨٠ ه) تاریخنده (ستر) نام ذات معرفتیله (بال) شهرنده طبع و نشر ایدلمشدر.