حریری — فصاحت و بلاغتی مسلم ارباب كمال و لسان عرب رموز و امثالی ایله مالا مال اولان مقامات صاحب معارفسماتی (ابو القاسم حسن بن علی)نك كینه+سیدر. بو ذات علم نحو و تاریخ و معانی و بدیعده تصنیفات بدیعه و شعر و انشاده آثار بلیغه تحریر ایلدی. بدیعدن (درة الغواص) و نحودن (ملخص الا عرابی) او جملۀ جمیله دندر. (مقامات حریری) نامیله مشهور اولان اثرنده (ابوزید)ك ترجمۀ حالندن بحث و حكایه ایدرك احوال معیشت و زندكانی+یی تصویره همت ایلمش ایدی. بونی بعدالاكمال بغداده كوتوروب وزیر نوشروانه تقدیم ایده جكی صرە+ده فضلای بغداد كندی اثری اولدیغنه اینانمیوب امتحانه چكدیلر مومی الیه اثنای تصور و تفكرده (بعض كیمسه+لرك مدار تفكر اولمق اوزره یاپدقلری كبی) صقالنی یولماغی عادت ایدندیكندن اوغللری دائم النه بز صاررلر ایدی. مقاماتك بر نسخه+سنی خلیفه مقتدره تقدیم ایتمكله پك اشوری ممنون اولوب نه ایسترسك دیو صوردقده (یا امیر بكا صقالمك ذمام تصرفنی احسان بیوركده چوجقلریمك الندن قورتارە+یم) دیمشدر. تولدی (١٠٥٤ م و ٤٤٢ ه) تاریخیله بصره+ده اولوب (١١٢٢ م و ٥١٦ ه) سنه+سنده واصل كلشنسرای جنت اولدی. فقهای حنفیه+دن بغدادده توطن ایدن قاضی القضاة (شمس الدین)ك دخی شهرتی (حریری) اولوب (١٣٢٧ م و ٧٢٨ ه) تاریخنده رحلت ایلمشدر. صاحب مقاماتك اصلی بصره+لیدر و اثر (١٨٣١ م و ١٢٤٧ ه) تاریخنده موسیو پییر معرفتیله لاتنجه+یه ترجمه اولندیغی كبی موسیو غارسن دوناس و موبك و سربوند دخی بعض اقسامنی فرانسزجه+یه ترجمه ایتمشلردر.