لغات تاریخیه و جغرافیه

Lugat-ı Tarihiyye ve Coğrafiyye

حركت ارض

Hareket-i arz

حركت ارض — ارضك بعض محللرینك من عندالله حركتنه اطلاق اولنور بونك بعضاً شدتله ظهورنده سطح ارض یاریلە+رق براز محللر یره باتار و نهرلر مجاریء قدیمه+لرینی شاشیرر و بعضاً دكزلر قاره+یه و قاره+لر دكزه تحول ایدر. حكما حركت ارضك سبب صحیحنی حالا بوله+میوب بعضیلری ارضك او سمتده قبارمسنه ویا صیقیشوب اینمسنه و بعضیلری دخی نزول ایدن بارانك چوغی قعر ارضه نفوذ و مجوف محللره تجمع ایله جسیم صهرینچلر تشكیل ایدوب بونلرك بعضیسی ایسه سطح ارضدن بر فرسخ عمقنده واقع اولمغله اوراده تصادف ایتدكلری یوز یكرمی درجه+دن زیاده حرارت مركزیه+نك تأثیریله بالطبع غلیان ایلدیكندن بونلردن ویاخود قعر ارضده واقع مواد كبریتیه و معادن سائرە+نك یكدیكرینه تصادفله مشتعل اولملرندن حصوله كلان ابخرە+دن اولیور دیدیلر