حركت — بر جسمك حقیقةً ثابت بر جسمه نظراً اولان حركتنه (حركت مطلقه) و بر جسم متحركه نظراً اولان حركتنه (حركت نسبیه) تعبیر اولنور مثلا كرۀ ارض ثابت فرض اولدیغنه كوره بر صویك جریانی جهتنه كیدن كمینك كوكرته+سی اوزرنده یوارلنان بر یوارلاغك حركتی سفینه+نك حركتنه نظراً (حركت نسبیه) و كمی ایله مشترك اولان حركتی (حركت جریه) و ثابت فرض اولنان سفینه+یه كوره حركتی دخی (حركت مطلقه) اولور فن ماكنه+ده متعارفه حكمنده اولان مقدماتك تأسیسنده
)حركت مطلقه) لازم غیر مفارق قبیلندن اولوب چونكه عالمده حقیقةً ثابت و نقاط سائره+نك كندوسنه نسبتله حركتلری قابل تدقیق هیج بر نقطه ًاولمدیغندن ارباب فن (حركت مطلقه) فرضی مجبوریتنده بولنورلر و اساساً حركت حركت متصله+دن یعنی بر مادۀ هیولانیه+نك بر وضعیتدن وضعیت آخره انتقالی كیفیتندن عبارتدركه مادۀ مذكوره اشبو ایکی وضعی بربرینه وصل ایدن خط منخی ویاخود مستقیمك كافۀ نقاطندن مرور ایدر و خط مزبوره (محرك) اطلاق اولنور.