حران — آسیای عثمانیده حلب ولایتی داخلنده و اورفه شهرینك طقسان میل اعشاری جنوب شرقیسنده بر بلدۀ قدیمه+در لاتینلر (قاره) دیرلر (٥٥٤١ خ) تاریخنده یعنی میلادك اللی اوچ سنه مقدمنده (قراسس) و (٢٩٦ م) تاریخنده (غالر) نام روما ایمپراطورلری بوراده مغلوب اولدی و بر جمعیت علمیۀ اسلامیه معرفتیله رومجه برچوق آثار فنیه عریجه+یه نقل و ترجمه اولندی. حضرت ابراهیم علیه السلام ارض بابلدن ابتدا بورایه هجرتله بر مدت مسافرت و پدرلری (آزر) بوراده عالم بقایه رحلت ایتمشیدی. ناحیۀ مزبوره الیوم (رقه) داخلنده+در.