لغات تاریخیه و جغرافیه

Lugat-ı Tarihiyye ve Coğrafiyye

حرارت منتشره

بیاضلردن زیاده اولدیغندن بیاضلرده قوۀ عاكسه زیاده بولنور بناء علیه منطقۀ حاره و بارده ده بیاض البسه سیاهه ترجیح اولنور چونكه بیاض البسه صیجاقده حرارتك نفوذینه و صغوقده حرارتك صدورینه مانعدر. (حرارت خفیه) اجسامك حاللرینه عارض اولان بعض تبدلات اثناسنده درجۀ حرارت ظاهریه+لری دكشمكسزین بلع ویا اخراج ایلدكلری مقدار حرارته تعبیر اولنور مثلا صفر درجۀ حرارتده بولنان بر قیه بوز ٧٩ درجۀ حرارتده بر قیه صویه آتلسه بوز كاملاً اریینجه صفر درجۀ حرارتده ایكی قیه صو حاصل اولور بو حالده بوز درجۀ حرارتنی دكشدیرمیه+رك صو حالنه كیرمش بولنور و ٩٧ درجه+ده بولنان صو حالنی دكشدیرمكسزین یوز درجه+سنه قدر تبرد ایدر بوندن اكلاشیلیوركه اریدیله+جك بوز درجه+سی ٧٩ دن صفره قدر تنزل ایدن صویك ضایع ایلدیکی حرارتی بلع ایدییور اشته بو حرارته حرارت خفیه ویا (ذوبان حرارتی) دینلور. صو دخی طوندیغی اثناده مقدار سابق قدر حرارت اخراج ایدر و مایع حالندن بخار حالنه انتقالنده ینه عینی تبدلات و قوعبولور. مقدملری حرارت غیر موزونه+یی بر مادۀ سیاله+دن عبارت زعم ایدرلر و ذوبان و تبخرده حرارت خارجیه+نك دكشمامسنی جسملرك سیالۀ غیر موزونه+یی بلع و حفظ ًایتدكلرینه ذاهب اولورلر ایدی حالبوكه بو فرضك بطلانی مؤخرا ظاهر اولوب بر قیه بوزك ذوباننده ٧٩ درجه حرارت صرف و جزؤ فردلری بربرندن تباعد ایدرك او مقدار درجۀ حرارته مقابل داخل جسمده اثر نافع حصوله كلدیكی و بالعكس صفر درجۀ حرارتده بر قیه صو تبرد ایدنجه جزؤ فردلری بوز تشكیل ایتمك اوزره بربرینه تقرب ایدرك صرف ایدیلان حرارته معادل ینه بر اثر حصول بولمقده اولدیغی اثبات ایدلمشدر. (حرارت حیوانیه) ذیروحلرك اصدار ایلدكلری حرارته تعبیر اولنور حیوانات سفلیه+نك حرارتی دروننده بولندقلری واسطه+ده كوریلان حرارتك همان عینی كبیدر حیوانات علویه+نك ایسه كندولرینه مخصوص حرارتلری محاط اولدقلری ماده نه اولورسه اولسون ثابت قالوب یالكز افعال حیاتیه+نك تأثیریله تبدل ایدرلر حیواناتك بر قسمنك اصدار ایتدكلری حرارت سطحی تجربه+لر ایله اكلاشیله+میه+جق قدر اصغر اولدیغندن بونلره (صغوق قانلی) تعبیر اولنور بالق وییلان كبی. دیكرلرینه ده (صیجاق قانلی) دینلوركه علی العموم طیور و ذات الثدی حیوانات كبی. حیوانات علویه+دن طیورده درجۀ حرارت ٤٠ دن ٤٤ قدر و انسانده وسطی اولارق ٣٧ سانتیغراددر. حرارت حیوانیه دوران دم و تنفس واسطه+سیله بلع ایدیلان مولد الحموضه+نك آلات مخصوصه+ده وجوده كتیردكلری تبدلات كیمیویه+دن حصوله كلدیکی ظن اولنمقدە+در. اوعیۀ دمائیه+دن محروم اولان صاچ و طرناقده بیله حرارت اولدیغی صحیحدر. حرارت حیوانیه+نك اسباب كشفنه دائر اجرا ایدیلان تجربه+لرك مكمللرینه ١٨٢٣ سنه+سنده بدأ اولندی و حرارت حیوانیه+یی رفع و تنزیل ایدن ادویۀ طبیه تجربه+لرینه ١٨٥٢ ده باشلاندی.