حداد مصری — اسمی محمد بن احمد بن محمد بن جعفر مسقط رأسی مصر وفاتی (٩٥٥ م و ٣٤٤ یاخود ٣٤٥ ه) تاریخیدر.
زماننك علامۀ مشار بالبنانی و عصرینك امام فرید مطلق العنانی ایدی ولادتی امام (مزنی)نك وفاقی كوننده واقع اولمشدر عبادت و ختم قرأنه غایت مداوم و دائما صوم داود اوزره بر كون مفطر و بر كون صائم اولوب هر جمعه كوننده دخی صلوة جمعه+دن مقدم ایکی ركعت نماز ایله مستقل بر ختم ایدردی لساننده طلاقت و كلامنده عذوبت و بلاغت و صورت و قیافتنده كمال حسن و ملاحت مشهود اولوب مجالس ملوك و عظماده دخی سوزی غایت نافذ و الحاصل كافۀ اوصاف مقبوله و مغبوطه+یی حائز بر وجود نادر الموجود ایدی. مصرده اولا نیابةً و بعده اصالةً خیلی مدت قاضیلق ایتمش و بو قدر بختیارلغیله برابر عمر جهتندن دخی دلسیر نعم الَهی اوله+رق سكسان ییل معمر اولمشدر.