حدائق الانوار فی حقایق الاسرار — امام فخرالدین محمد بن عمر رازینك التمش نوع علوم و فنون موضوعاتنی موضح اثریدر بونی سلطان علاء الدین خوارزمی ایچون تألیف ایلدی
حدائق الایمان لاهل الیقین و العرفان— فارسی . مصنفك لقبیله مشهور شیخ علاء الدین علی بن محمدك (١٤٣٦ م و ٨٤٠ ه یاخود ٨٤١ ه) تاریخیله هراتده تألیف ایلدیكی كتابدر
حدائق الحقائق — محمد بن مرتجل همدانینك اون ایكیسی حكمی و باقیسی شرعی اوله+رق اوتوز صنف علوم و فنونی مشتمل اثریدر
حدائق السحر فی دقائق الشعر— فارسی . (١١٧٧ م ٥٧٣ ه) تاریخنده وفات ایدن كاتب رشید الدین و طواطینك اثریدر بونی مؤخراً شرف رومی لقبیله معروف حسن بن محمد بر قسمی اصطلاحات شعراء متقدمین و قسم دیكری تصرفات كلام متأخرین اوزرینه اولمق اوزره ایكی قسم ایچنده شرح ایدوب (شقایق الحقائق) تسمیه ایلدی