حجاز — جزیرة العربك منقسم اولدیغی بش بیوك قسمندن بری اولوب شمال طرفندن بادیة الشام شرق طرفندن نجد غرب طرفندن بحر
احمر جنوب طرفندن یمن ایله تحدید اولنور و شمال شرقیدن جنوب شرقی+یه قدر طولی بیك بشیوز و شمالدن اتساعی ایكیوز یتمش میل اعشاری اعتبار ایدیلور. مشهور شهرلری مكۀ مكرمه . مدینۀ منوره . جده . ینبوع. طائف. ابو عریش. طور. بلده+لریدر و اراضیسی محصولدار دكل ایسه ده بلسان عنبر كونلك ضمغ كبی حاصلاتی كژت اوزرە+در و اكثر طرفلری طاغلق فقط سواحلی اولدقجه مستوی و مزروعدر و باركیرلری آت قسمنك دنیاده اك برنجی جنسیدر و صولری بر طاقم حوضلرله منبعلردن عبارتدر.