حبیب نجار — انطاكیه اهالیسندن زراعتله مشغول بر ذات سعادت مشمول ایدی. حواریون ایله كوریشوب حضرت (عیسی) علیه السلامك شریعتنی قبول و ایمان و قومی دخی بو شرف عالیدن حصه+مند اولمق نیت خیریه+سیله صورت حالی كشف و اعلان ایلدیكندن اهالی طوپلانوب بیچاره+یی شهید ایتدیلر و فقط اره+دن چوق کچمكسزین كندولری دخی غضب الهی+یه اوغرایوب كافةً سمت عدم و هلاكه كیتدیلر. (سورۀ یس شریفده )وجاء من اقصی المدینة رجل یسعی) آیت كریمه+سنده+كی رجلدن مراد بو ذات عالینهاددر.