لغات تاریخیه و جغرافیه

Lugat-ı Tarihiyye ve Coğrafiyye

حبشستان

Habeşistan

حبشستان — شمالاً (نوبه) شرقاً (بحر احمر) غرباً سنار ولایاتیله محدود بر قطعه+در. اشبو قطعه (غوندار) (تیفره) (انحره) (غوری) (دانقالی) (انغو) (صماره) ناملریله یدی حكومته منقسم اولوب مجموع نفوسی درت بچق ملیوندر. خكومات مذكوره تابعیتنده اولنلرك كافه+سی مسلمان و یالكز (غوری) اهالیسی خرستیان ایسه ده بونلركده خرستیانلقلرینه براز مسلمانلق و یهودیلك قارشمش اولدیغندن درت قاری المق و بعض احكام توراتی طانیمق كبی عادتلرینی ترك ایتمزلر. بو قطعه+دن مرور ایدن (نیل ازرق) و جهت شمالیسندن کچن (تاقازه) نهرلری خیلیجه اراضی+یی اسقا ایتمكده+در حبشستان كول و نهرلرینك سواحلی بر چوق حیه+لرله مملودر. حبشیلر ایمپراطورلینه نجاشیدن محرف اولە+رق (نغوز) دیرلر (غاللا) اسمیله موسوم بیاضجه جلدلی بر قوم بوراده اپیجه وقتدن بری تكثر و انتشار ایلدی حبشستانده واقع (دیس) اطه+سیله (ادولیس) و (آذ) لیمانلری الیوم فرانسزلرك تحت تصرفندە+در. حبش حكمداری (تئودور) (١٨٢٨ م و ١٢٨٥ ه) تاریحنده انكلیز سیاحلرینی حبس ایتدیکندن انكلتره دولتنك كوندردیكی اردو حبشیلره غالب كله+رك سیاحلری قورتاروب و اثنای محاربه+ده كندوسنی تلف ایدن مشارالیه تئودورك اوغلنی الوب كیرویه چكلمشدر