حبابه — امویه+دن یزید بن عبد الملكك محبوبه+سی كه عربده شهرت بولان مغنیه+لرك بریدر مزبوره مدنیۀ منوره+ده دنیایه كلوب عالیه و ابن رمانه یاخود ابن مینا نامنده برینه جاریه اولدیغی حالده اشبو یزید بن عبد الملك صاتون اله+رق حبابه تسمیه ایلمش و بر درجه مفتون و دلداده+سی اولمشیدیكه كندوسی مملوك و حبابه مالكه یرینه كچه+رك اك طوغریسی بلایی باشنه صاتون المشیدی حتی حبابه ایله سركرم بزم معاشرت اولدیغی دملر تأثیر نغمات طربفزاسندن اللرینی چرپه+رق (اوچاجه+غم اوچاجه+غم) دیمكه باشلار و حبابه خلافتی كیمه براقجسیكز دیدكجه (سكا) جوابی ایله مقابله ایلر ایدی بركون یزید بن خلقك (انسان ایچون دنیا كدرسز اوله+مز) دیدكلرینی تكذیب ایدرم دیوب بر دلكشا باغچه+ده اسباب عیش و نشاطی ترتیب و بر معتاد نعاطیء اقداح و پیاله ایله دماغ عجب غروری ترطیب ایدرك ینه (اوچاجه+غم) ترانه+سیله دست افشان اهتزاز ایكن انسزین حبابه+نك بوغازینه بر نار دانه+سی قاچار و هر نقدر اوغراشیلورسه ده چاره بولنه+مدیغندن بیچاره حبابه+نك مرغ روحی اوبر دانه+یه قناعتله دام
بدندن اوچار یزید بونك اوزرینه فوق الغایه تلخكام اوله+رق یدی كون صكره او المله ترك عالم ایلر (پكده مغرور اولمه كیم میخانۀ اقبالده * بز هزاران مست مغرورك خمارین كورمشز) جاراه زمخشرینك نصایح الكبارندن مقامۀ زهدیه متننده محرر (اذكرالمروانی و مامنی به من خطة علی رأسه مصبوبه حین غصت بحبة الرمان حبابته) عباره+سندن مراد بو قصه+در.