حایطون — ارمنستان قدیم حكمدارلرندن ایکی ذاتك اسمیدر بونلردن بری میلادك ١٢٢٢ سنه+سندن ١٢٦٩ سنه+سنه قدر و دیكری ١٢٨٩ سنه+سندن ١٣٠٨ سنه+سنه قدر اجرای حكومت ایتمشدر مومی الیهما دائما تاتارلرله محارب بولندقلرندن زمان حكومتلری بر طاقم مصائب و بلیه+لرله كذران ایلدی و ایكنجی (حایطون) پوواتیه+ده (قلمان) نام بشنجی پاپا ایله ملاقات ایدرك پاپا مغوللر واسطه+سیله قدس شریفك فتحنی تكلیف ایلدیسه ده ممكن اوله+مدی. (١٣٠٥ م و ٧٠٥ ه) تاریخنده قبریسده پاپاس سلكنه داخل اولان (حایطون) نام مورخ ارمنیلرك تاتارلرله ایتدكلری محارباتك فرانسزجه تاریخنی یازوب پاپایه تقدیم ایتمش و تاریخ مزبور مؤخراً لاتینجه و ارمنیحه+یه نقل و ترجمه اولنمشدر.