حانیه — كرید جزیره+سنك مركز اداره+سیدر. روملر (كیرونینا) دیرلر. بو شهر مستحكم بر قلعه ایله محفوظ اولوب قرق اللی كمی آلور مصنوع بر لیمانی و لیمان قپوسنده بر فنار ایله درون قلعه+ده اوچ بیوك جامع شریفی واردر. جوامع مذكوردن بری اشبو حانیه فاتحی غازی یوسف پاشا اثریدركه قبلالفتح (سان فرانجسقو) نامنده بر كلیسا ایدی دیكری سلطان ابراهیم جامعی اولوب قبل الفتح (سان صوا) اوبری ایسه قوجه موسی پاشا جامعی كه كذلك قبل الفتح (سان قوله) كلیساسی ایدی. بوراسی (١٦٤٥ م و ١٠٢٥ ه) تاریخنده فتح اولندی. سوقاقلری چاقل طاشلریله دوشه+لی اولدیغندن چامور بولنماز. درت حمامی و بر رشدیه مكتبی و قلعه دروننده یكیچری زمانندن قالمه بر كوچك قشله+سی و خارج قلعه+ده بر ملت باغچه+سی و یارم ساعت مسافه+ده كائن (سوده) لیمانی نهایتنده بر ترسانه+سی و ایكی باب خسته خانه و بر طوپخانه+سی و یكرمی بیك قدرده اهالیسی واردر.
فتحنه سویلنان و قلعه قپوسی اوزرنده محكوك بولنان تاریخ
شرحه چكدم داغ اوردم كوز كوز ایتدم سینه+می
داغمی سیر ایلین بیلسون بنم تاریخمی
فاتح مشارالیه غازی یوسف پاشا بو فتوحاتدن صكره عظیم دبدبه ایله درسعادته كلوب التفات شاهانه+یه نائل اولدیسه ده صدر اعظم محمد پاشانك رقابتی و ذات شاهانه+یه ایكی صماقی دیركدن بشقه مال كتورمدی دیو شكایتی و حین سؤالده غازی مشار الیهك سربستجه جوابی اوزرینه سرایده اعدام اولندی لكن صكرە+دن پك چوق پشیمانلقلر اولدی. ذكر اولنان طاش دیركلر
مؤخراً باغچه قپوسنده والده سلطانك یاپدردیغی یكی جامعك حنكار محفلی التنه وضع اولنمشدر.