حامد یاخود (حمیدالدین قیصری) — كبار مشایخ رومدن حاجی بیرام ولی حضرتلرینك شیخ عالیقدریدر. اولا علوم ظاهره+ده ًكسب كمال ایله بر مدت شام شریفده طرق علیه+دن برینه سالك و اخیراً دخی خویه كیدوب خواجه (علاءالدین) حضرتلرینه انتساب ایله علوم باطنه+یه مالك اولدقدن صكره بروسه+یه عودت ایلدی. بوراده خیلی زمان كندوسنی بیلدیرمیه+رك اتمكجیلكله اشتغال و تعیش ایلدیكندن بین الناس ) صمونجی قوجه) نامنی آلمش ایدی مؤخراً سلطان یلدیرم یایزید خان حضرتلری محل مذكورده یاپدیرمش اولدیغی جامع كبیرك ایلك كشادی كونی اولان جمعه خطبه+سنی برای ادا (سلطان امیر) حضرتلرینه رجا ایلدكده مشار الیه (قطب زمان صمونجی قوجه بوراده ایكن بن خطابت ایده+مم) دیه+رك اشبو حامد قیصری حضرتلرینی كوستردیكندن طرف شاهیدن امیر مشارالیه واسطه+سیله وقوعیولان التماس اوزرینه حامد حضرتلری خطبه+یی قرائت و عقیبنده دخی سورۀ فاتحۀ شرفه+یی تفسیراً اجرای وعظ و نصبحت ایلدی. لكن بر مدت صكره جلب انفاس قدسیه+سی مقصدیله خلقك فوق التحمل وقوعه كلان هجوم و ازدیادی مشار الیهك (اقسرای) قصبه+سنه رحلتكش هجرت اولملرینه بادی اولدی. روایة نظراً بو ذات حضر علیه السلامه ملاقی اولارق انلردن علم لدن تحصیل ایتمش و مولانا شمس الدین فناری حضرتلری شرف صحبتلریله مشرف اولمشدر مرقدلری قصبۀ مذكوره دروننده+در.