حالت افندی — اعاظم رجال دولت علیه+دندر. باب عالی اقلامندن نشأت و تدریجاً ترفیع رتبه و حیثیت ایدرك كتخدای صدر عالی و توقیعی اولدی و كیدە+رك بتون بتون تزیید نفوذ ایله كافۀ امور مهام دولته نظارت وظیفه+سنی درعهده ایلدی. لكن مؤخراً كفران نعمتله تپه دلنلی علی پاشا حقنده اجرا ایتدیكی غرض و نفسانیت بالاخره یونانستان اختلال كبیرینه دخی سببیت ویردیكندن الی الابه بادیء لعنت اولدی. اختلال مذكور عقیبنده یعی (١٨٢٠ م و ١٢٣٦ ه) تاریخنده استانبول روملرینك باصدیرلمش اولان قیامنه و یونانلولرك اختلالنه دائر حضور شاهانه+ده تکون ایدن سوزلر آره+سنده حالت افندینك ینه برطاقم یولسز شیلر سویلمسی و شیخ الاسلام خلیل افندی+یه بعض كونه اعتراضاته قالقشمسی اوزرینه خلیل افندی ارتق تحمل ایده+میه+رك (بونلر هب سنك سوء تدبیر و حركاتك اثریدر) دیمشیدی. بناء علیه اره+دن چوق کچمكسزین بیچاره خلیل افندی+یی دخی ادرنه+یه نفی و كیدركن یولده اعدام ایتدیردی لكن بو قدر ظلم و آزاره قارشو بر آدم عمرینك صوك كوننه قدر اویله مسند اقبال و كامرانیده قالمق محاله یقین بر حال اولدیغندن براز صكره كندوسی دخی غضب شاهانه+یه اوغرایه+رق قونیه+یه تبعید و قتل اولندی.