حاكم اول — (٨٢٢ م و ٢٠٧ ه) (٧٩٦ م و ١٨٠ ه) تاریخنه دكین قرطبه خلیفه+سی اولوب ظلم و تعدیاتی واسطه+سیله شهرت بولمشدر شارلمان)ك اوغلی (لویی) ایله بر مدت محاربه ایلدیسە ده مومی الیهی ) مقری اولان (قاتالونیا)دن طرده موفق اوله+مدی لكن ید اقتدارینه کچن شهرلری قانلر ایله تلوین و علیهنه رفع لوای عصیان ایدن ایكی عموجه+سنك التجا ایلدكلری (تولد) و مظالمنه قارشو عقد اتفاق ایدن )قرطبه) اهالیسنك قانلریله آتش غیظ و حدتنی تسكین ایلدی و بو درجه غدارلغی ایسه موتنی تعجیله خدمت ایدوب اوغلی ایكنجی عبدالرحمن یرینه کچدی.