حافظ سید خواجه — كراماتی ظاهر بر ذاتدر مشارالیه سیروز سنجاغی داخلنده واقع تیمور حصار قضاسنده تولد و درسعادتده تحصیل علوم ایدرك فاتح جامع شریفنده خیلی زمان تدریسله اشتفال ایتمش و او اثناده علوم باطنه+یی دخی تحصیل ایتمك اوزره برقاچ ذاته انتساب ایلدیکی حالده هیج برندن بر اثر مشاهده ایده+میوب نهایت بر كیجه كندو كندوسنه مأیوسانه مشغول ایكن بعنایةالله تعالی باب فیض منكشف اولمش و بونكله برابر الی آخر العمر درسنی دخی ترك ایتمامشدر.
اولیاء الله كرام حضراتندن هربرینك بر كونه مشربی اولدیغی كبی بو ذاتك دخی مشربی حال و كمالنی سویلمكدن چكنمز و كرامت واقعه+سنه هیج بر اهمیت ویرمز ایدی. (١٨٥٢ م و ١٢٦٩ ه) تاریخنده طلبه+سنی تعطیل مناسبتیله طاغلمقدن برقاچ آی تأخیر و صباح و ایكندی درسلرینی بالاقدام تكمیل
ایتدكدن و جمله+سیله حلاللشدقدن صكره حج شریفه كیدوب ینبوعده وفات ایلدی تربه+سی اوراده زیارتكاه خواص و عوامدر.