حارلم — فلمنك دولتی ادارە+سنده و امستردامك جهت غربیسندن ١٧ كیلومترو اوته+ده و حارلم كولی اوزرنده یكرمی بشبیك نفوسی جامع بر شهردر مطبعه+لری ایجاد ایدن مشهور (فوسترلورانت) بوراده تولد ایلدی بوراسی وقتیله قطیفه وسائر منسوجات حریریه اعمالنده غایت مشهور ایدی.
حارلم) فلمنكده بر كولك دخی اسمیدر بو كول حارلم و لید و امستردام شهرلری بیننده واقع اولوب اسكی (رین) ایله (اكرك) كولنه التصاق ایدر. طولاً ٥ وعرضاً ١١ كیلومترو قدر وسعتی واردر اشبو كول التنجی عصر میلادیده دكزك قرە+یه ایلرولمسیله حاصل اولدیغی حالده (١٨٤٠دن ١٨٥٨ م و ١٢٧٥ ه) تاریخنه قدر چالیشیلوب قوریدلمق میسر اولدی.