حاجی بیرام ولی — اولیاء الله كرامدندر. انقره قربنده )صول فصل) قریه+سندن نشأتله ابتدا علوم ظاهره+یی اكمال و انقره و بروسه مدرسلكنی استحصال ایتدكدن صكره قیصریه+ده شیخ (حامد آقسرایی حضرتلرینه انتساب ایدرك او واسطه ایله علوم باطنه+ده دخی واصل سرحد كمال اولدی و شیخ مشارالیهك شام شریف و مكۀ مكرمه+یه عزیمتنده برابر بولنه+رق آقسرایده وقوع ارتحالنه دكین یانندن آیرلمدی. حاجی بیرام ولی حضرتلرینك بر آرە+لق مریدلری نهایت درجه چوغالدیغندن حسودلری سلطان مراد ثانی حضرتلرینه بونك نیتی دعوای سلطنت و خلقی القای وادیء طغیان و ضلالتدر. دیملریله ادرنه+ده حضور شاهی+یه احضار اولندیسه ده پادشاه معارفپناه كوردیكی آنده صلاح و کمالنه آكاه و بناءً علیه جامع عتیقده كرسیء وعظ و نصیحته چیقاره+رق كندوسندن عذر و همتخواه اولدی. اولجه سائقۀ حسدله علیهنده بولنان بر وزیر قوردیغی دام غمز و تزویرك بو وجهله تأثر نابذیر اولدیغنی كورنجه تدبیر دكره مراجعت
یعنی مومی الیهی تسمیم غرضیله قوناغنه دعوت ایدوب اثنای مصاحبتده بر كاسه زهر صوندی شیخ دخی (بونی بز ایچه+لم مضرتی سزه عائد اولسون) دیو ایچمكله وزیر درحال سمت عدمه ارتحال ایلدی. مشارالیه آره صره طبل و نقاره و توغ و علمله انقره چارشو و پازارنده كزوب طوپلایه+بیلدیکی اقچه+یی بر طاقم عجزه و فقرایه طاغیدر و هرسنه اهل و عیالنك نفقه+سیچون بالذات پورچاق اكوب بیچوب انكله اكتفا ایلر ایدی. تاریخ رحلتی اولان (١٤٢٩ م و ٨٣٣ ه) سنه+سندن صكره التی نفر مریدی ظهور ایدرك طریق بیرامیه برقاچ قول اولمش و آیین و سلوكلری تنوع ایتمشدر