حاتم بن عبدالله بن سعد الطائی — كنیه+سی ابو سفانه و ابو عدیدر. مومی الیه غایت سخی و شجیع و شفیق و خوش حال بر ذات نكوخصال اولوب نبی علیه السلامه یتشمش و فقط قبل البعثه وفات ایلمشدر. بنی طی اسراسی ایچنده بونك قزینی دخی حضور جناب رسالتپناهی+یه چیقاردیلر مومی الیها (یار سول الله اكر بنی لطفاً آزاد بیوررسه+كز حسدۀ قبائل عربی حقمده سویندیرمامش اولورسكز زیرا بن اویله بر قومك سیدی قزی+یم كه پدرم اسیرلری آزاد ایدر آجلری طیورر چپلاقلری كیدیرر و خلقه تواضع و اطراف و اكنافی حمایه ایلر ایدی) دیدكده جناب عنایتمأب افندمز (یا جاریة هذا صفة المؤمنین حقا لو كان ابوك مسلمه لترحمنا علیه خلوا عنها فان اباها یحب مكارم الاخلاق) بیوروب مزبوره+یی آزاد ایلدی حاتمك اوغلی (عدی) دخی اكرچه وهلۀ اولاده قبول دین مبیندن امتناع ایله شامه قدر صاوشدی ایسه ده مؤخراً یاوریء هدایتله زمرۀ اصحساب كرامه داخل
اولدی. زمان جاهلیتده كلان اوچ اسخیانك اك مشهوری اشبو حاتم اولوب دیكرلری اولان (كعب) بن امامة الایادی و هرم بن سنان دخی بین العرب ضروب امثالدن ایدی حتی (كعب) بر رفیقیله چولده قالوب شدت حرارتدن هر ایكیسی دخی بیتاب اولدقلری حالده یاننده بولنان بر ایچم صویی ارقداشنه ویرە+رك كندوسی هلاكی اختیار ایلمشدر