جیوه — صودن اون اوچ بچق دفعه آغر و مایع و متبخر بر معدندر
جیوه قرق بش بچق درجه برودتده تصلب ایلدیكندن قطب شمالی كشفنه كیدن قپودانلرك جیوە+یی قورشون كبی تفنكلرینه قویوب آتدقلری واردر و ثقلت اضافیه+سی (٥٦, ١٣) اولدیغندن دروننه القا اولنان تیمور و قورشون و بونك كبی شیلر دیبنه اینمیوب اوزرنده یوزر و تیموردن ماعدا هربر معدن ایله امتزاج ایدر و حاصل اولان خلیطه+لره حكمای متقدمین )ملفمه) تسمیه ایدوب معلوم و مشهور اولان اصوللرنجه التون استحصال ایتمك و معادنی تصفیه ایله التونه قلب ایلمك ضمننده مذكور ملغمه+لری استعمال ایدرلر ایدی. طبیعتده زیبق نابت و نادراً كومش ایله اولان ملغمه+سی بولونور ایسه ده سائر ملغمه+لری بولونمامشدر. طبیعتده بولنان جیوه جوهرلری (قلور) و خصوصیله (كوكرد) ایله مخروج اوله+رق پك چوق محللرده ظهور ایدركه جوهر مذكور (زنجفرۀ) طبیعیه تسمیه اولنور. اوروپاده اك مشهور و نمادار جیوه معدنلری اسپانیاده واقع (المعدن) نام محلدە+در