)چین شیهوانغتی — (٥٣٤٧ خ) تاریخنده جلوس ایدن چین خاقانیدر بو ذات مدت سلطنتی اولان اوتوز یدی سنه ظرفنده طوائف ملوك هیئتنه كیرن یدی عدد حكوماتی یعنی چین ایالاتنك خمسنی ادارۀ واحده تحتنه آله+رق مؤسس دولت نامنی قزاندیغی كبی خساردن خالی اولمیان )هون) طائفۀ وحشیه+سنی ممالكندن حرباً طرد و دفع مغولستان ایله چین بیننده اولان سد مشهوری یاپدیروب ایادیء تسلط اعدایی ملكندن رفع ایلدی و برطاقم طاغلری دله+رك كوزل یوللر وقناللر دخی یاپدردی ایسه ده چینك ابتدای عمرانی كندو زمانندن معتبر طوتلمق خیال بیمألیله عصرنده+كی ارباب معارفك كافه+سنی اعدام و كتابلرینی كاملاً احراق ایلدی. بوكا جنتدن بشقه بر معنا ویریله+مز ایسه ده كندوسنك موحدیندن اولوبده مجوسیلرك اعتقاد باطله+لرینی منع ایچون بر معاملۀ زجربه+ده بولنمش اولمسی دخی مستبعد دكلدر و حتی یاپدیردیغی سده سد اسكندر دنیلدیكنه نظراً )چین شیهوانغتی) نامی جناب ذوالقرنینك نام دیكری اولمسیده مأمولدر بوكا )هوانغ چینغ) دخی دیرلر. سد مذكور ایچون )سد) كلمه+سنه نظر بیوریله