جیحون — آسیای وسطاده واقع بللور طاغلرینك اوتوزسكز عرض شمالی ایله التمش طقوز طول شرقیسندن باشلایوب )ترمذ) و)چارچو) و )خیوه) اراضیسنی صولایه+رق غرب شمالی+یه طوغری جریان ایدن )ارال) دكزینه دوكیلان نهر كبیردركه )امدریا) و قسم علیاسنه )اقسوس) دخی دیرلر. بو نهرك قدیماً بحر جززه اقدیغی بعض اسكی تاریخلرده محرر و الان یتاغی موجود اولوب طولی بیك التی یوز قرق كیلو مترودن عبارتدر بوكا وقتیله عربلر آمو صحراسندن كلدیکی ایچون )نهر آمو) تسمیه ایلمشلر ایدی. اشته )ماوراءالنهر) نامیله شهرتشعار اولان محل بونك اوته طرفیدر.