ابوالفضل سرخسی — كبار اولیاء اللهدندر و اسمی محمد بن
حسن+در. خلیفه+سی (ابو سعید) حضرتلری نوقت بر قبض درونه
اوغراسه مریدلریله برابر مشار الیهك قبرینه كیدوب منبسط اولور
و مریدلرینه ایچكزدن قنغیكز حجه كتمك مراد ایدرسه كلسون بو ذات عالیقدری زیارت ایتسون دیر و (معدن شادیست این معدن جود وكرم. قبلۀ
ماروی یار قبلۀ هركس حرم) بیتنی اوقور ایدی. حضرت مشارالیمك پك چوق كراماتی كورلمشدر و بر دفعه هوادن اشاغی اینوب بر اغاجه قوندیغنی اوراده بولنان بر شخص كوروب تعجب ایتدكده شیخ نیچون تعجب ایدرسك یوقسه سنده بویله اوچمقمی استرسك دیدكده شخص مرقوم استرم دیمسیله شیخ اشته استدیكك ایچون الیكه كیرمز دیوب كندو اوچمسی استكیله اولمدیغنی افاده ایلدی. حضرت مشار الیه بر كون بغچه لر ارە+سندن كچركن كمال انبساطله (خدایا بر سنه دنبرو بر اقچه ویرمدككه صاچمی تراش ایده+یم دوستلرله بویله می ایدرلر) دیدیكی آنده قارشوسنده اولان بر اغاج التون كسلدی و شیخ بو حالی كوردكده (یاربنا سكا انبساطله بر شئ سویلمك جائز اولمیور) دیوب یولنه كتدی. اثنای وعظ و نصیحتده مریدلرینه ماضی كچدی تدارك اولنمز و مستقبله انتظار كركمز همان معتبر اولان حالدر و حال ایسه صفت عبودیتدر و حقیقت عبودیت ایكیدر بریسی جناب حقه افتقار ایله دیكری علیه الصلاة والسلام افندمزه حسن اقتدا ایلهدر و بونلرده نفس ایچون نصیب و راحت یوقدر بیورر ایدی. وفاتی تخمیناً (١٠٠٩ م و ٤٠٠ ه تاریخندده+در.