جهانكیر — سلطان سلیمان اول حضرتلرینك مخدومیدر. پدرلریله ایران سفرینه كیدركن (١٥٥٢ م و ٩٦٠ ه) تاریخنده اماسیه جوارنده وفات اتمكله نعشی درسعادته اعاده اولندی. طوپخانه اوزرنده+كی جامع شریف شهزادۀ مشارالیه نامنه یاپلمشدر.
جهانكیر — هندستان مغول حكمدارلرندن جلال الدین اكبرك اوغلیدر و اسمی محمد شهرتی ابوالمظفر نورالدیندر مومی الیه (١٦٠٥ م و ١٠١٤ ٥) تاریخنده پدرینه خلف اولوب اوغللرینك اشعال ایتدیكی نائرۀ عصیانی باصدیردقدن صكره (١٠٥٤ ه) سنه+سنه قدر سلطنت سوردی و امور دولتی پك كوزل اداره ایدوب سخاوت و عدالت و معارفپرورلك ایله شهرت بولدی فقط (فضل الله) نام زندیقك دلالت و اغفالیله كاه مجوس و كاه كواكب پرستلکی اختیار ایلدیكندن نامی صحایف تواریخده لكه+دار اولدی. بر آره+لق كندوسنی ات یمك و حیوان بو غازلامقدن دخی منع ایتمشیدی.