جهان — شاه اسماعیل صفوینك جاریە+سیدر مشارالیه بر كون اشبو جهان ایله (حیات) و (فنا) ناملرنده دیكر ایكی ادیبه جاریه میاننه اوتوروب )اوچ دلبر آره+سنه اوتوردم بیلممكه كوكلمی قنغیسنك محبتنه باغلایه+یم طوغریسی بو بابده متردد و متحیرم) معناسنه اولان اشبو نشسته ام بمیان سه دلبر و دو دلم كه دل بمهركه بندم درین میان خجلم
بیتنی انشاد ایتمكله (جهان) طاورانوب جواباً سن پادشاه جهانسك جهان سكا لایقدر و پادشاه جهانك جهان ایله ایشی موافقدر معناسنده اولان اشبو تو پادشاه جهانی جهان تراشایده كه پادشاه جهانرا جهان بكار آید بیتنی انشاد ایدر بونك اوزرینه حیات نام جاریه غیر تلنوب جهان خوشدر و لكن حیات اولورسه اكر حیات اولمزسه جهان نه ایشه یرار معناسنده اولان اشبو جهان خوشست ولیكن حیات می باشد اكر حیات نه باشد جهان چه كار آید بیتنی ایراد ایتمسی اوزرینه فنا نام جاریه دخی غیرتلنوب بوده حیات و جهان هر ایكیسی بی بقادر سن همان فنایی ایسته كه هر شیئك صوكی فنادر معناسنده اولان اشبو حیات و جهان هر دور ابی بقاست فنارا طلب كن كه آخر فناست بیتنی انشاد ایتمكله شاه مشارالیه فنا طرفنه میل ایدر.