جویریه — زوجات طاهراتدندر و بنوالمصطلق قبیله+سنك رئیسی حارث بن ابی ضرارك كریمه+سیدر. غزوۀ بنی المصطلقده اصحاب
كرامدن ثابت بن قیس حضرتلرینك النه اسیر دوشه+رك نفسنی كتابه+یه كسددیكی صره+ده اعانه طلبیله حضور حضرت پیغمبری+یه واروب كندوسنك كیم اولدیغنی بیان ایتمكله معدن مروت افندمز مبلغ مكاتبه+یی احسان و كندیسنی دخی حریم ازدواجلرینه ادخال ایله مشارالبنان بیوردیلر و بونك اوزرینه اصحاب كرام حضراتی مشارالیها حضرتلرینك جناب سید البشر افندمزله پیدا ایتدیكی قرابته حرمةً بنوالمصطلقدن یدلرنده اولان اسرانك كافه+سنی آزاد ایتدیلر. ابوجهلك بو نامده اولان بر قزینی دخی حضرت علی+یه تكلیف ایتدكلرنده فخر عالم افندمز بر ذاتك تحت نكاحنده نبی الله ایله عداوللهك قزی اجتماع ایده+مز بیوردقلرندن جواب ویردیلر.