) چوی زاده — عصر بایزید خان ثانی شیخ الاسلاملرندن منتشالی محیی الدین افندینك لقبیدر. اكثر علومده مهارت و بتخصیص علم فقهده براعت صاحبی اولوب طریق صوفیه مشایخ وسالكاننی علی الاطلاق تضلیلدن بشقه بر عیبی یوغیدی دیرلر زیرك باشنده كورکجی باشی سلیمان اغا محله سنده كائن جامع شریف آثار خیریه+سندندر. و وفاتی (١٤٥٧ م و ٩٥٤ یاخود ٩٥٦ ه) تاریخندە در. افندیء مشارالیهك لقبنك زمانمزده محل فحشیاته نام اولدیغنی كمال تأسفله ایشیدوب بونك عیب مذكوره مقابل بر جزای معنوی اولدیغنه ذاهب اولنلرده واردر فی الحقیقه دین اسلامله متدین (الله) دیین بر كمسه+یی تضلیل بیوك حقسزلق ایدی. چوی زاده دامادی حامد و چوی زاده محمد افندی نام ذاتلر دخی عصر مراد ثالثده نائل مقام مشیخت اولمشلردر.