ابو الفرج — مورخین عربدندر ملاطیه+ده بر فقیر خرستیانك
اوغلی ایكن تحصیل ایتدیكی علوم ریاضیه و فلسفه وسائره سایه+سنده
حلبك یعقوبیه باش پاپاسلغنه نائل اولدی و لسان عربی و سریانی و یونانی+یی
دخی تحصیل ایدرك سوریه لسان قدیمی اوزره بر تاریخ عمومی و (كتاب
الاحداق) و (مناجات الحکمة) و امثالی برقاچ كتاب یازدی و (١٢٨٦ م
و ٦٧٥ ه) تاریخنده وفات ایلدی. تاریخ مذكور مؤخراًً لاتنجه+یه ترجمه
اولنمشدر.