چورلیلی علی پاشا — اندرون همایوندن فیض اله+رق عهد سلطان مصطفی خان ثانیده سلحدار اولمش ایسه ده شیخ الاسلام فیض الله افندی طرفندن استرقاب و رتبۀ وزارت توجیله اندرون همایوندن علاقه+سی كسیلمكه تشبث اولندیغی صرە+ده ادرنه و قعه+سی و سلطان احمد خان حضرتلرینك جلوسی وقوعبولدیغندن ادرنه+ده قائممقاملق مقامنه اقعاد اولندی و مؤخراًً طرابلس ایالتنه و ایكی دفعه+ركاب همایون قائمقاملغه ونهایت ) ١٧٠٥ م و ١١١٧ ه) تاریخنده محمد پاشانك یرینه مسند صدارته كچدی و تنظیم امور دولت و تنسیق مصالح امت حقنده پك چوق سعی و غیرتی كورلدیسه ده بو سعی و غیرت و نائل اولدیغی صهریت بیچاره+یی اصحاب اغراضك مكر و غدرندن قورتارە+مدیغندن عاقبت مدللو جزیرە+سنه نفی اولنوب اوراده شهد شهادت ایچرلدی مشار الیهك طبع لطیفی خیرات و حسناته مائل اولمغله حلبده جامع كبیر داخلنده مدفون اولان زكریا علیه السلام اوزرینه مكمل و محتشم بر تربه بنا ایتدیرمش و اسكی علی پاشا جوارنده خرقۀ
شریفك محافظه+سیچون كاركیر حجرات و ارغاد پازارنده اسكی سمكشخانه یرینه مكمل بر جامع شریف و دار الخدیث و كتبخانه و عمارت و تكیه و ترسانه ساحه+سنده ینه كاركیر بر جامع و متعدد چشمه و مسقط رأسی اولان چورلی و سائر كزدیكی یرلرده برچوق مكتبلر و چشمه+لر یاپدیرمشدر مدت صدارتی درت سنه+دن زیاده جه+در.