لغات تاریخیه و جغرافیه

Lugat-ı Tarihiyye ve Coğrafiyye

جَو

جَو — كوك یوزی دیدیكمز واسع بوشلغه اطلاق اولنوركه ایچنده ساكن اولدیغمز شو كرۀ ارضدن نیچه یوز بیك و بلكه ملیون كره بیوك اجرامك دور حركت ایتدكلری كوریلور و اجرام مذكوره+دن شمسك اهل هیئتك خبر ویرشلرینه كوره ساكن اولدیغمز ارضدن (—٥١) ملیون ساعت بعید اولدیغی و جو مزبورك بویله نیجه صاییسز حسابسز شموس و اقمار ایله مملو بولندیغی پیش نظره الننجه وسعتنك نه+درجه اولدیغی اكلاشیلور مع مافیه جو مزبورك بر رنك مخصوصی اولمیوب مد بصرك كرۀ نسیمی ایچنده بولنان رنكلی غازلره تصادف ایدرك مبدأ عزیمتندن اوزاقلاشه اوزاقلاشه نهایت بر نقطە+ده قوتی محو اولدیغندن مائی كوریلور