جنید بغدادی — سیدالطائفه عنواننه مظهر بر شیخ عالیكهردر. و وطن اصلیسی نهاوند و باعث فیضی داییلری (سری سقطی) حضرتلری اولوب سلسلۀ نسبتی ایكی طریق ایله امام (علی كرم الله وجهه) حضرتلرینه منتهی+در. عالم منامده وقوعبولان اشارت نبویه+یه امتثالا همیشه ارشاد و نصایحی پیشه ایدنمش و كشف حقایق و حل دقایق خصوصنده سوزلری مسلم انام بولنمش ایدی. بر كون عملسز عطای حق صادر اولورمی دیو ایراد قلنان سؤاله (هر عمل محضا توفیق و عطای حقدر) زمیننده اعطای جواب و تصوف نه اولدیغنی صورانلره )خلق كریم یظهره الكریم فی زمان كریم من رجل كریم بین قوم كرام) كلام فصاحت اتسامیله خطاب ایلدیكی كبی بر دفعه ده )بز تصوفی قیل و قال ایله دكل محبته اللهدن غیری+یی تركله بولدق اوتوز ییلدر جناب حق جیندك لسانیله جینده سویلر حالبوكه اورته+ده جیند یوق) بیورمشدر. شیخ مشارالیهك )ابو العباس احمد و ممشاد دینوری) كبی كملیندن پك چوق مریدانی وار ایدی. اوتوز دفعه تنها و پیاده موفق زیارت بیت شریف اولدی. خلاصه فضائل دنیویه و اخرویه+یی كمالیله حائز بر عارف پر معارف اولدیغی و سماط عمر فانیدن طقسان بر سنه متنعم بولندیغی حالده ٩١٠ م و ٢٩٨ ه)
تاریخیله بغدادده شیرینمذاق نعم جاوید عقبی اولدی جنازه+سنده التمش بیك كشی حاضر بولنمشدر