جنوه — ایتالیانك قسم شمالیسنده و كورفز ساحلنده و تورن شهرینك یوز اللی كیلومترو بعدنده یوز یكرمی سكز بیك نفوسی جامع بر شهر قدیمدر. و لیمانی تجارت جهتندن بحر سفیدده واقع لیمانلردن مارسلیا و تریسته+دن صكره اوچنجی درجه ده اهمیتی حائزدر. شهر مزبور (٧٠٧ م ًو ٨٩ ٥) تاریخنده (لیكورینلر) طرفندن تأسیس اولندقدن و مؤخراً
رومالیلرك ید ضبطنه کچمكله برچوق انقلابه میدان ظهور اولندقدنصكره مشهور شارلمانك برادرینك زماننده سریستی قزانوب اهالیسی اهل صلیبك آسیایه عزیمتنده پك چوق ثروته و استانبول روم ایمپراطورلغنك تأسس و بقای سلطنتنه ایتدكلری خدمته مقابل اوله+رق (١٢٦١ م و ٦٦٠ تاریخندن (١٢٩٥ م) تاریخنه قدر بیزانتیلردن بیوك بیوك امتیازلره نائل اولدی و غلطه ایله قریمده كائن كفه شهری و ازمیر و بوزجه اطه و مدللو اطه+سی اللرینه کچدی لكن صكرە لری وندكلولرك حسد و رقابتیله ظهوره كلان محاربات بیچاره+لری فنا حالده دوشوردی و بو دوشكونلك دولت علیه+نكده دور استیلا سنه تصادف ایتدیكندن طاغنیق اولان بر چوق مملكتلری اللرندن چیقدی.