جنكیز — چینك جهت غربیسنده مسكون مغوللرك رئیسی ایكن تاتار اولوسلرینی برر ایكیشر مغلوب و ادارۀ مستقله تحتنده بولنان تركلری حرباً اطاعته مجبور ایدرك (قره قورم) ده خان كبیر عنواننی الدی و شرق تاتارلری و چین اهالیسیله دخی اون درت سنه محاربه سنده (خان بالغ) شهرینی ضبط ایدرك اندن صكره یعنی (١٢٠٦ م و ٦٠٣ ه) تاریخنده )شنسی) ایله (تب) و (سمرقند) اره+سنده (ایوان) یاخود )یوأن) نامنده بر حكومت تأسیس ایلدی. و شرق تاتارلرینك محل اتفاقلری اولان )خطای) اقلیمنه (١٢١٤ م و ٦١١ ه) تاریخنده عسكر كوندروب اورالری و چینلیلر اوزرینه ایكنجی هجومنده پای تخت چین اولان )پكین) شهرینی استیلا ایتدی و چین خاقانی عار بلاسیله كندو كندوسنی تسمیم ایلدی و اوچ
سنه صكره دخی خوارزمشاه ایله بوزیشوب ممالكی ویران و سلطنتنی بی نام و نشان ایتدكدن بشقه ماوراءالنهر قافقاسیه ایران دشت مسقو طرفلرینه اوغرایه+رق راست كلدیكی ممالكی خراب و اهالیسندن كیمنی اسیر و برچوغنی قتل ایدوب هله بخارا و اوآر و خجند و سمرقند امثالی بیوك شهرلرك اکثریسنده قتل عام اجر ایلدیكی كبی بعضلرنده ده كدی و كلبلردن بشقه بر ذیروح انسان براقمدی و اك صكره اوغللرینی هندستان فتحنه كوندره+رك كندوسی برقاچ یوز بیك اسلام اسیریله مملكتنه كیدركن اثنای راهده اوردوسنده ظهور ایدن وبا علتنی اسرای مرقومه+یه اسناد و جمله+سنی سند نهری كنارنده اعدام ایدرك برده قان ایرماغی اقتدی. الحاصل جنكیز خونریز بو مثللو دها نجه نیجه حرب و ستیزلر آچه+رق جمله سنده نامنی الی الابد لسان نفرتله آكدیره جق بر طاقم مظفریتلره نائل اولمش و نهایت (١٢٢٦ م و ٦٢٤ ه) تاریخنده (نانكین) محاربه سنه كیدركن (چین چو) قصبه+سنده عالم چون و چرادان ال چكمشدر مشارالیه ملك الملوك معناسنه اولان )تموچین) عنواننی حائز ایدی. قاضی شرف الدین تلقینیله دین اسلامی قبولی مروی ایسه ده مدت استیلا سنده تلف ایتدیكی نفوسك مقداری اللهه عیان یعنی اوچ ملیوندن زیادە+یه بالغ برطاقم بیچاركاندر..