لغات تاریخیه و جغرافیه

Lugat-ı Tarihiyye ve Coğrafiyye

جنجی خواجه

جنجی خواجه — زغفرانبورلیلی حسین افندینك لقبیدر بو ادم باباسندن بعض ادعیه وغرایم اوكرندكدنصكره والدە+سیله استانبوله كلوب مشهور حسن افندی زاده+نك درسنه دوام ایتمشیدی سلطان ابراهیم خان حضرتلرینك اولاد ارزوسیله اوته كندن بروكندن دعا و علاج طلب ایتدیكی صره+ده مرقوم حسین افندینك والده+سی پادشاه مشارالیه مصاحبه+لرندن برینك دوستنه بنم اوغلمده دعا بیلور نفسی تأثیرلیدر دیمش و اوده مصاحبۀ مرقومه واسطه+سیله پادشاهك سمعنه القا ایلمش اولدیغندن حسین افندی درعقب سرای همایونه دعوت اولنوب واردیغنده سلطان ابراهیم حضرتلرینه بر دعا قرائت و بالتصادف دعاسی هدف اجابته اصابت ایتمكله صحن مدرسی و پادشاه خواجه+سی نصب اولندی و علمانك جنجی مقوله+سی بر سوخته+یه صحن مدرسلكی ویریلور می ایمش دیو كفتكویه باشلملری اوزرینه رغماً للمعترضین غلطه مولویتی دخی ویریلوب روم ایلی قاضیعسكری محمود افندینك كریمه+سی تزویج ایدلدی ومومی الیه بوندن صكره كركی كبی پادشاهه تقرب و اركان دولته تغلبله اقچه و بوغچه جمعنه باشلیوب استانبولده قرق اللی قدر جسیم خان و خانه و حمام یاپدیردی لكن صدراعظم مقتول قره مصطفی پاشا كبی آراسی اچیلانلری پادشاهدن صغوتمق و كندوسنه یناشانلری ایصتمق و عزل و نصب ایتدیرمك كبی خمیر ایشلرینه قارشمسی اركان دولتك اغبرارینه سبب اولدیغندن (١٦٤٨ م و ١٠٥٨ ه) تاریخنده سلطان ابراهیمك خلعی عقیبنده بو دخی میخالیجه سوریلوب اوراده اعدام و برچوق مالیله اوچ بیك كیسه اقچه+سی خزینۀ دولته اخذ اولندی.