جمیله — ملوك بنی حمداندن ناصر الدوله+نك كریمه+سیدر فرط سخاوتله عالمك معروفه+سی ایدی (٩٧٦ م و ٣٢٢ ه) تاریخنده حجه كیدوب حجاجه نبات شكرندن یاپلمش شربتلر ایچوردی و بیت معظمه تعظیماً اون بیك آلتون سرپدی و اوچیوز كوله و ایكیوز جاریه آزاد ایتدی و پیادكان حجاجی بشیوز رأس حیوانه اركاب و دلشاد ایلدی. بناء علیه اول سنه+یه بركتندن كنایه اوله+رق (عام جمیله) تسمیه اولنمشدر. اصحابدن ثابت بن قیس حضرتلری زوجه+لرینك اسمی دخی (جمیله) اولوب نفسنی مشار الیهدن خلع ایتمش ایدی اسلامده خلع نكاح ماده+سنك ابتدا مشار الیهاده وقوعبولدیغنی صاحب كشاف سوۀ بقره تفسیرنده بیان ایدر.