جمیل بن معمر — مشاهیر شعرای عربدندر. خلفای امویه+یه قصائد تقدیم ایدرك برچوق جائزه+لرینی آلمشیدی عمر بن عبدالعزیز حضرتلری دخی مقام خلافته کچدكده شعرادن عمر بن ربیعه و كثیر عزه و فرزدق دنیلان همام بن غالب و جریر ایله برابر قصائد تقدیم ایتمك اوزره سرایه كیدوب نزد خلیفه ده وقع و حیثت صاحبی اولان )عدی بن ارطان ه ). مراجعت و او دخی ایله حضور خلیفه+یه كیروب ورودلرینی بیان ایتدكده خلیفه حضرتلری بنم شعرا ایله آلیش ویریشم بوقدر دیدی وعدی یا امیر المؤمنین حضرت پیغهبر افندمز شان عالیلری ستایشنده قصیده تقدیم ایدن شاعرلری جوائز سنیه اعطاسیله تسریر بیوررلردی دیمكله خلیفه حضرتلری شاعرلرك كیم اولدیغنی سؤال و شعرلرینی جلب و قرائت ایدرك امر دینده اولان مبالاتسزلقلرندنطولایی جمله+سنی تخطئه و كیمنی تكفیر و كیمنی تفسیق ایدوب یالكز جریر اهون الفاسقیندر آنی براق نزدیمه كلسون بیوردی و جریر حضور خلیفه+یه داخل اوله+رق )ان الذی بعث النی محمداً) )جعل الخلافة فی الامام العادل) مطلعلو بر قصیده انشاد ایتدكده یا جریر كرمه مستحق اولدك ایسه ده نزدمده+سنی تطییب ایده+جك قدر اقچه یوقدر دیوب موجودی اولان اون التونی ویردی جریر دخی اظهار تشكر و سرور ایله برابر )ای امیرالمؤمنین اسلاممه قسم ایدرمكه دنیاده كسب ایتدیكم مال خیر
انجق احسانكز اولان شو آلتونلردر) دیه+رك حضور خلیفه+دن چیقوب طیشاروده كیرمكه حاضرلنان جمیل و عمر و كثیر و فرزدقه خطاباً امیر المؤمنین سخی و عادل اولدیغی حالده انعام و احساننی فقرا و مستحقینه حصر و تخصیص و شعرایی غیر مستحقین صنفنه ادخال بیورمش دیه+رك صاوشوب كیتمشدر