جمال الدین عبدالرحمن بن ابی الحسن الجوزی البغدادی — كافۀ علوم عقلیه و نقلیه+ده مطلق العنان و میان ارباب دانش و معارفپرورانده مشار بالبنان بر فاضل عدیم الاقران ایدی. (زاد المسیر فی علم التفسیر) نام درت جلد تفسیری و (منتظم) آدلو تاریخ كبیری و احادیث موضوعه+یی جامع كتاب مستطابیله (تلقیح فهوم الاثر) نام تألیف دلپذیری بالجمله علما وادبانك مظهر تحسین و تسلیمی اولوب آثار سائره+سنی تعداد موجب تكثیر سواددر حتی تألیفاتی مدت عمرینه نسبتله حساب اولندقده هر كوننه طقوزر جزؤ اصابت ایلدیکی و احادیت شریفه تحریچون استعمال ایتدیكی قلملرك یونغه+سنی بر یره طوپلایوب حین وفاتنده صوینك بونلرله تسخیننی وصیت ایتمكله وفاتنده اولوجهله یاپلدقده بر مقدار فضله بیله قالدیغی روایات موثوقۀ تاریخیه+دندر. بغدادده اهل سنت ایله شیعه ارسنده حضرت ابو بكر و علی رضی الله عنهمانك یكدیكره فضل و رجحانی ادعاسیله آچیلان محاوره بالاخره بادیء مقاتله اولدیغندن فرقتیندن بر چوق آدملر )كلیك شیخ جوزی كرسیده وعظ ایدركن بغتةً كیده+لم و منازع فیه اولان شو مسئله+یی صوروب ویرە+جكی جوابه راضی اوله+لم) دیملری اوزرینه هركس موافقت و درحال كیدوب سؤال ایلدكلرنده شیخ مشار الیه بلا تفكر )افضلهما من كانت بنته تحته) جوابنی ویروب استیضاحه میدان براقمقسزین كرسیدن ایندی زیرا قنغی
طرفی ترجیح ایتمش اولسه دیكرینك فتنه چیقارە+جغی و بلكه ده كندوسنه بر سوء قصد اولنه+جغی مجزومی اولدیغندن كلام مزبوری هر ایكی طرفی دخی كوچندیرمك اوزره غایت ماهرانه بر صورتده ایراد ایلمشیدی شویله كه اهل سنت ابو بكر رضی الله عنهك كریمه+سی زوجۀ رسول اولمغله ) بنته) لفظنك ضمیرینی اكا ارجاع ایدرك مرجح اولان جناب ابو بكردر دیوب شیعیلر ایسه علی كرم الله وجهه داماد پیغمیری اولدیغندن ضمیری فخر كائنات ) صلی الله علیه و سلم افندمزه عطف ایله افضل اولان حضرت (علی)در ادعاسنده بولندیلر. مشار الیهك اشعار بلیغه و ابیات لطیفه+سی دخی واردر. ولادتی تقریبات (١١١٤ م و ٥٠٨ یاخود ٥١٨ ه) تاریخنده اولوب ١٢٠٠ م و ٥٩٧ ه) رمضاننك اون ایكنجی جعه كیجه+سی وفات ایلمشدر.