لغات تاریخیه و جغرافیه

Lugat-ı Tarihiyye ve Coğrafiyye

جم

Cem

) جم — فاتح استانبول سلطان محمد ثانی حضرتلرینك اوغلی و سلطان بایزید حضرتلرینك برادریدر. بو ذات قرمان ولایتی والیسی ایكن پدرینك وفاتنی و برادری سلطان بایزیدك جلوسنی خبر آلدیغی كبی بر قوۀ كلیه تداركیله سلطنت دعواسنه قیام ایدرك مشار الیهك عسكریله محاربه+یه باشلادیسه+ده بالاخره مغلوب اولدیغندن ردوسدکی ) شوالیر)لره التجا ایلدی. انلر دخی بونی پولتیقه+جه كندولرینه بر سرمایه اتحاذ ایتمك اوزره فرانسه+یه كوندردیلر. اوراجه چكدیكی یدی سنه+لك كوز حبسندن صكره پاپانك ید اسارتنه دوشه+رك اوراده دخی برچوق حرمت كاذبه و مواعید ًابلهفریبانه ایله آوودیلوب خرمتیانلغه دخی دعوت ایدلدی. مؤخراً فرانسه قرالی سكزنجی شارل رومایه حرباً دخولنده مشار الیهی آلوب ناپولی+یه كوندردی الحاصل اون اوچ سنه بویله برچوق سفالت و محنت ایچنده افنای عمر ایلدیغی حالده آخر الامر سلطان بایزیدك پاپا ایله ایتدیكی مقاوله اوزرینه+درسعادتدن تبدیلاً كوندریلان قوجه مصطفی پاشا یدیله )١٤٩٤ م و ٩٠٠ ه) تاریخنده و اوتوزالتی یاشنده تسمیم اولندی. نعشی بروسه+یه جلب و دفن ایدلمشدر. سلطان بایزید طرفندن شهزاده مشار الیهك عوق و تأخیری و سائر مصارف ضروریه سیچون سنوی پاپایه قرق بش بیك (دوقه) ویریلور ایمش. شهزادۀ مشارالیه غایت فطین و عاقل اولوب حیاتنده ترتیب ایلدیكی دیوانچه+سی الآن مقبول و متداولدر.