لغات تاریخیه و جغرافیه
Lugat-ı Tarihiyye ve Coğrafiyye
ی
ه
و
ن
م
ل
ک
ق
ف
غ
ع
ظ
ط
ض
ص
ش
س
ژ
ز
ر
ذ
د
خ
ح
چ
ج
ث
ت
پ
ب
ا
چلیك
Çelik
چلیك — بر مقدار قاربونی حاوی تیمور اولوب بین التجار اوچ نوعی واردركه بری طبیعی و بری معجونلی و بری دخی دوكمه چلیكدر وهر برینك اعمالی بشقه+دربونلردن ماعدا بر جنس معتبر چلیك دها واردركه هند چلیكی تعبیر اولنور اشبو چلیك حامضات ایله طلا اولنسه طبان تیموری كبی جوهر پیدا ایدر. بونلرك جمله+سی تیمور خالصدن سرت و متصوت و الاستیقی اولوب قزل حرارته دكین تسخین و بعده صغوق صویه عطس اولنارق صغودلدقده دها زیاده سرتلك پیدا ایدر و اشبو صولو چلیك زیادە+جه تسخین اولنسه صویی كلیاً زائل اولور. چلیكك قوۀ انجراریه+سی تیموردن زیاده اولوب شویله كه بر اصبعك عشری قطرنده اولان تیمورتل یوز قرق قیه ثقلته متحمل اولدیغی حالده چلیكدن معمول اویله بر تل ایكییوز سكسان قیه ثقلته تحمل ایدر و اجسام معدنیۀ سائره ایله اذابه اولنور مثلا بر مقدار كموش و یا پلاتنه ایله مخلوطاً اذابه اولندقده دها اعلا اوله جغندن اكثریا آلات جراحیه+یی و آلات سائرۀ نفیسه+یی كموشی حاوی چلیكدن اعمال ایدرلر.