لغات تاریخیه و جغرافیه

Lugat-ı Tarihiyye ve Coğrafiyye

چلبی خلیفه

Çelebi Halîfe

) چلبی خلیفه — — طریق خلوتیه رجالندن بر بیوك ذات اولوب اصل اسمی محمد جمال الدین خلوتیدر. نسبلری )ابا بكر الصدیق) رضی الله عنه اولادندن جلال الدین اقسرایی حضرتلرینه منتهی اولور. بو ذاته چلبیء قرمانی و جمال الدین قرمانی دیدكلری دخی واردر. سلطان بایزید ولی عصرنده قوجه مصطنی پاشا طرفندن اولنان دعوت اوزرینه اماسیه+دن درسعادته كلوب پاشای مشار الیهك نامنه منسوب قوجه مصطفی پاشاده بنا ایتدیكی زاویه+ده اجرای مشیخت و آیین خلوتی+یی استانبوله بو صورتله ادخاله همت ایلدی. (سنبل سنان) افندی حضرتلری مومی الیهك خلفاسندن اولوب بعد ارتحاله یرینه پوست نشین اولدی. خلفای مشهورە+سندن بری دخی (اویس) افندیدركه علی روایته یتمش بیك مریده اكسای كسوه ایلدی چلبیء مشار الیه ١٤٩٣ م و ٨٩٩ ه) تاریخنده حج یولنده وفات ایدرك وصیتی اوزره معبر حجاج اولان طریقك التنه دفن اولنمشدر تاریخ وفاتنه سویلنان تاریخ قدمات شاه اولیا