جلایری — ایرانك بعض محللر یله بر مدت بغداد حوالیسنه مالك اولان ملوك فرسك عنوانیدر. بونلرك برنجیسی جنكیزیه قولندن )حسن كبیر) یاخود (حسن بزرك) اولوب دولت ایلخانیه+نك صوك پادشاهی اولان (ابو سعید)ك وفاتی عقیبنده بصره كورفریله قفقاسیه بیننده اولان ممالكنی و بحر حزز سواحلنی دخی ضبط و بغدادی پای تخت اتخاذایلدی. اك صوك پادشاهلری اولان سلطان (احمد) جلایری ایسه تیمورلنكك قهرندن قره یوسف تركمانی ایله برابر مصره و دولت عثمانیه+یه التجا ایدوب تیمورك
عودت و وفاتندن صكره ینه ملكنه متصرف اولدیسه ده (١٤٠٩ م و ٨١٢ ه) تاریخنده مومی الیه قره یوسف تكمانی ایله ایتدیكی محاربه+ده اولا آذربایجانی و متعاقباً سرمایۀ زندكانی اولان نقد عزیز جانی غیب ایلدیكندن دولت جلایریه نامی اورته+دن قالقدی. دها زیاده تفصیلات ایچون ) احمد) و (بایزید) كلمه+لرینه نظر بیوریله .