جلال الدین اكبر — بتون هندستانه مالك اولان هند مغول
پادشاهلرندن وزماننك برنجی فاتحلرندندر. ١٥٥٥) م و ٩٦٣ ه) تاریخنده اون درت یاشنده نائل تاج و تخت اولوب مدت سلطنتی بولونان اللی بر سنه ظرفنده بر طرفدن اختلالات داخلیه+یی تسكینه غیرت و دیكر طرفدن تسریع ترقیات علوم و صنایعه بذل مقدرت ایلدی. (١٥٨٣ م و ٩٩٨ ه) تاریخنده )الله آباد)ده نور جهان نامیله یاپدیردیغی قلعه حالا موجود و آثار عتیقه+دن معدوددر. علمای مشهوره+دن اكبرنامه صاحبی )ابوالفضل) وزراسندن ایدی شاه مشارالیه هند مجوس حكمدارلرندن )رانی) ایله وقوعبولان محاربه+سنده حكمدار مومی الیهی قتل و افنا و پای تختی اولان (اکثره) شهر جسیمی ایله (كژهه) و (كشكه) ولایتلرینی ضبط و یغما ایتدیكی صره+ده رانینك عیال و اولادی كندی كندیلرینی ماللریله برابر آتشه یاقمش و ایچلرندن یالكز رانینك همشیره+سیله بر كلینلك قز قورتاریله بیلمشدر. مذكور (اکژه) شهرینك مؤخراًً اطرافنه متین بر سور بنا اولنه+رق درت بیك عمله سكز سنه+ده اتمام ایلدی. جلال الدین (١٦٠٥ م و ١٠١٤ ه) تاریخیله اكبره یاخود اكره شهرنده وفات ایدرك قلعۀ مذكورە+نك سكز كیلومترو جانب شمالنده دفن اولنمش ویرینه اوغلی جهانكیر ابوالخافر نورالدین) جلوس ایلمشدر