جلال الدین - قزوینی — مشاهیر فحولدندر (١٣٣٨ م و ٧٣٩ ه تاریخنده وفات ایلدی هنوز سنی یكرمی+یه واصل اولمامش ایكن نواحیء رومدن برنده نائل منصب قضا اولوب بر مدت صكره شام شریفده جامع دمشق خطابتنه بعده شام قاضیلكنه ارتقا ایتمش و مؤخراًً دخی ملك ناصر طرفندن مصره جلب ایدیلوب عهده+سنه مصر قاضیلكنی توجیه اولنمشدر. مومی الیه جداً صاحب هنر فقراپرور صورت و سیرتی ملیح و الفاظ و كفتاری فصیح مباحثه ده منصف و حدت دهن و ایقان و علوم ادبیه+ده كمال ذوق و اتقان ایله متصف ایدی. )ایضاح التلخیص) (سور المرجانی من شعرالار جانی) و (تلخیص المنتاح) نام كتابلر جملۀ مصنفاتندن اولوب خصوصیله اشبو تلخیص المفتاح علم معانی و بیانده تألیف اولنان كتابلر ایچنده اك معتبر بر اثر و شروح و حواشیسی حددن اكثردر.